د اجمل خټک بابا په مړينه د غمرازۍ پيغامونه
07.02.2010 20:01د ټول افغان ټکی کام اداره د دې ويبپاڼې د ټولو همکارانو په استازيتوب د پياوړي ليکوال، شاعر او افغان سياستوال اجمل خټک بابا په مړينه غمرازي کوي، د لوی الله ج له درباره ورته جنت فردوس غواړي، او کورنۍ او ټولو افغانانو ته د زړه د صبر دعا کوي.
د اجمل بابا مړينه نه جبران کېدونکي ضايعه ده، لوی خدای ج ته لاس په دعا یو چې لکه په افغان ملت یې چې اجمل خټک لورولی و، همداسې پرې نور د دستار سړي هم ولوروي چې د اجمل بابا د فکر او کار مشال بل وساتي.
د ټول افغان اداره
ـــــــــــــــــــــــــــــ
<#%= link_to t("ta.buttons.all_comments"), comment_path(:id => @post.id), :class => "button"%>
موږ د ويښ ليكوال ادبي ټولنې ږوب ټول غړي د پښتو ژبې د ستر، تكړه او كړېدلي شاعر محترم اجمل خټك په مړېنه زښته خواشني څرګندوو او ددۀ مړينه د پښتو ږ بې او ادب دپاره يو زښته زيان ګڼو ـ روح دي ښاد او اباد وي ـ
بسم الله الرحمن الرحیم
د افغانستان دخروټو دقوم سراسری شورا
د سياست، ادب او فرهنگ د ډگر د ستر شخصيت او ملي شاعر اروښاد اجمل خټک د مړینی له امله د خروټو قوم دقوم د سراسری شورا د ډاډګیرنی پیغام
په ژوړی خواشینی سره مو خبر تر لاسه کړ چی د سیاست، ادب او فرهنګ د ډګر ستر نومیالی شخصیت،ملی شاعر اجمل خټک په حق رسیدلی دی.
انا لله و انا الیه راجعون
ارواښاد اجمل خټک یو تکړه او نومیالی پښتون، د قلم د ډګر نه ستړی کیدونګی مبارز، د بادشاچان خان نږدی دوست او ملګری، د عدم تشدد د لاری لاروی، پیاوړی لیکوال او وتلی شاعر و، د خپل عمر ډیره برخه یی د علم، ادب، فرهنګ، سیاست، خلکو او ولسونو ته د خدمت په لاره کی تیره کړه او د وخت د ظالمانو پر خلاف د قلم له نوکی څخه د آزادی چیغه لــــــــــــوړه ساتلی او په دی لاره کــــــــی یی ډیر علمی آثار په میراث پریښی دی.
ارواښاد خټک ادیب، شاعر، لیکوال فرهنګ دوست سیاسی او ملی شخصیت د خروټو د قوم د سراسری شورا ریس او د رهبری هیت د هیواد د میشتو خروټو په استازیتوب د ارواښاد مړینه یوه ستره ضایعه بولی، ارواښاد خټک ته د لوی څښتن تعالی له دربار څخه د فردوس جنت، کورنی، د علم او فرهنګ، سیاست، او ادب د لاری ټولـــــــــــو مینه والــــــــــــــــو ته یی د جمیل صبر غوښتنه کوی.
و من الله توفيق
انجینیر مطیع الله مطیع خروتی
د خروټو د قوم د سراسری شورا ریس
د میرمن کلتوري ـ ټولنیز بهیر دخواخوږۍ پیغام
په ډیرې خواشینۍ سره مو دیوه لوی لیکوال ،شاعراوسیاستوال اجمل خټک دمړینې خبر ترلاسه کړ.
میرمن کلتوري ـ ټولنیز بهیر دپښتو ژبې دسترشاعراو ملي مبارزاجمل خټک د مړينې د خبر په اورېدو سره،د يو لوى ویر احساس کوي. الله پاک دې دغه ستر شخصیت ته فردوس جنت په نصيب کړي .
میرمن کلتوري ـ ټولنیز بهیرد دوی دکورنۍ غړو،دده دلارې لارویانواو ټولو لروبرو افغانانو ته د خپلې ژورې خواشینۍ او خوا خوږي مراتب وړاندې کوي ددوى په غم کې ځان شریک بولي . دغه درانه شخصیت ته فردوس جنت او کورنۍ او خواخوږو ته یې دالله پاک په دربارکې د جمیل صبر دعا کوي.
د میرمن کلتوري ـ ټولنیز بهیر
دارالانشآ
د نیو ساوت ویلز د افغانانو د کمیټې د خواخوږئ پیغام :
ځان مې په در کې کړ درته خاورې
په خق خق خاندې ژړا مې نه اورې
یوه ورځ به واورې چې خټک ومړ
که ناورې ، ناورې ، دا خو به واورې
په خواشینۍ سره مو خبر تر لاسه کړ چې پښتانه یو ځل بیا د خپل یوه عظیم مشر، لارښود ، سیاسي ، فرهنګي او ټولنیز شحصیت ،د دستار سړي او خواخوږي رهبر د ویر په ټغر کیناستل.
د اجمل بابا د مرګ آواز مو زړونه ولړزول. انالله و اناالیه راجعون.
اجمل خټک ټول ژوند د استعمار په وړاندې د بغاوت جنډه رپانده وساتل او کله هم داسې ونه شول ، چې د ده په لاسونو کې دې د پښتنو د حقونو او آزادي غوښتنې توغ رنګ وبایلي او یا دې يې د غیرت چیغه ټپه شي.
غیرتي خلک د الله ج خوښ دي . اجمل غیرتي او نر پښتون وو چې ټول عمر یې پښتنو ته د غیرت ، غیرت چیغې وهلې . اوس چې هغه نشته زموږ ژړا داده چې :
ګوره که په پیړیو بیا پښتنه مور یو بل اجمل وزیږوي او د افغان په خاوره بل خټک او بل هوښیار پاګل ، د پښتو په بین کې د غیرت چیغه ورپوه کړي.
په نیو ساوت ویلز کې میشت افغانان ، ځانونه د اجمل بابا په ویر ، ویرمن بولی او د لوی څښتن تعالی دربار ته د سوال لپه نیسو چې زموږ په غیرتي بابا دې ورحمیږي ، فردوس جنتونه دې په ولوروي او درنې کورنې ته دې یې د دغه لوی غم د زغم وس ورکړي . آمین یا رب العالمین .
د نورو په استازیتوب
عزیز منګل د نیو ساوت ویلز
د افغانانو د کمیټې مشر
د مرحوم اجمل خټک د مرګ په مناسبت
د خواخوږۍ او غمشريکۍ پيغام :
د غيرتي پښتانه او لوی ملي شاعر اجمل خټک مړينه د لرو برو افغانانو ګډ ملي ماتم دی .
په بريتانيا کې د اوسيدونکو افغانانو ټولنه د خپل ملت په دې لوی غم او درانه وير کی
شريکه ده او د خپلو تسليتونو مراتب د خدای بښلي اجمل خټک کورنۍ ، عزيزانو
او ټولو لروبرو افغانانو ته وړاندی کوي .
دده مرحوم دې ښکلي جنتونه په برخه وي او دده د لوی ملت نوي نسل ته دې لوی څښتن
توفيق ورکړي چی د ټولو افغانانو د پوره يووالي دپاره د خټک صاحب ناپوره شوی
ارمان پوره کړي .
امين يا رب العلمين .
سيد جان کارواني
په بريتانيا کی د اوسيدونکو افغانانو
د ټولنی مشر